Sjóvar kvøldskúli
13 tøk pláss
|
André Fr. Danielsen

Koyrikort til lítil prutl

Hvar: Ástøðisfrálæran er í Stranda skúla og koyrifrálæran á bygdavegastrekkjum á Strondum.

Nær: Eftir avtalu (mars/apríl)

Kostnaður: Umframt kostnaðin á kr. 1.500, skulu luttakarar á skeiðnum gjalda kr. 300 til Akstovuna. Frítíðarkortið kann nýtast at gjalda fyri skeiðið, men tú verður noyddur at gjalda sjálvur fyrst og síðani fært tú peningin endurgoldnan.

Skeiðslýsing: Undirvísingin verður skipað soleiðis:

Frálæran er løgd til rættis við 27 skúlatímum á 45 minuttir. Av hesum eru 15 tímar í ástøðisfrálæru og 12 tímar í verkligari koyrifrálæru.

Undirvísingin í ástøði verður umleið fýra kvøld. Møtiskylda er til allar tímarnar.

Næmingurin skal hava lógligt prutl við til koyrifrálæruna. Loyvi at koyra millum heim og undirvísingarstað í undirvísingartíðarskeiðinum verður givið.

Ert tú undir 18 ár, er eisini krav, at tú hevur verið á skeiði í fyrstuhjálp. Kvøldskúlin bjóðar eisini hetta skeiðið, sum fevnir um 8 tímar í frálæru:

  • 4 tímar í grundleggjandi uppafturlívgan
  • 4 tímar í fyrstuhjálp í ferðsluni fyri ungar prutlførarar

Undirvísingin í fyrstuhjálp verður í skúlatíð, og tá mugu næmingarnir biðja sær frí. Møtiskylda er til hesa undirvísing. Skeiðið skal verða gjøgnumført, áðrenn ástøðisroyndin verður tikin.

Endalig ástøðisroynd verður á Akstovuni, og verkliga koyriroyndin verður á Strondum.

Treytin fyri luttøku á skeiðnum er, at tú verður 15 ár áðrenn juni 2027.

Prísur
1.500 kr